xeberaz.info
Rumıniyada Rusiya Mədəniyyət Mərkəzi dezinformasiya ittihamı ilə bağlanıb.
xeberaz.info-nun məlumatına görə Rumıniya Buxarestdəki Rusiya Mədəniyyət və Elm Mərkəzinin fəaliyyətini dayandırıb. Bu barədə Rumıniya Xarici İşlər Nazirliyi fevralın 21-də Rusiya səfiri Valeri Kuzminə məlumat verib.
Rumıniya hakimiyyətinin qərarında vurğulanır ki, Mərkəz öz fəaliyyəti ilə mədəni əlaqələrin möhkəmləndirilməsi kimi təbii məqsədlərindən düzəlməz şəkildə ayrılıb və Rusiya Federasiyasının Ukraynadakı hərbi cinayətlərinin təbliğat, dezinformasiya və bəraət qazandıran alətinə çevrilib.
Rusiya Mədəniyyət və Elm Mərkəzinin fəaliyyətinin dayandırılması qurumun Rumıniya ictimai rəyinə reallıq və tarixi həqiqətin qəsdən təhrif olunmuş şəkildə təqdim edilməsi ilə məşğul olduğu təkrar halların nəticəsidir. Bu kənarlaşmalar son vaxtlar, Rusiya Federasiyası tərəfindən Ukraynaya qarşı təcavüzkar müharibənin başlamasından sonra güclənib və yeni və xüsusilə ciddi miqyas alıb.
Qurum 20 avqust 2023-cü il tarixindən gec olmayaraq fəaliyyətini dayandırmalıdır. Bu vaxta qədər bu tədbirlə bağlı bütün inzibati prosedurlar tamamlanmalıdır. Buxarestdə Rusiya Mədəniyyət və Elm Mərkəzi Rumıniya və Rusiya Federasiyası hökumətləri arasında Saziş əsasında 2015-ci il mayın 15-də yaradılıb və açılıb.