xeberaz.info
ABŞ-da heyvanların 40%-i və bitkilərin 34%-i təhlükə altındadır.
xeberaz.info-nun məlumatına görə ABŞ-da heyvanların 40%-i və bitkilərin 34%-i təhlükə altındadır, ekosistemlərin 41%-i tükənmək təhlükəsi altındadır. Bu barədə ABŞ və Kanadada təbiətin mühafizəsi üzrə aparıcı tədqiqat qrupunun NatureServe hesabatında deyilir.
Beş il ərzində aparılan tədqiqatlar nəticəsində alimlər belə qənaətə gəliblər ki, təkcə ABŞ-da 4,3 mindən çox heyvan növü və 5,6 mindən çox bitki növü yox olmaq təhlükəsi ilə üzləşib.
Heyvanlar arasında ən həssas olanlar ilbizlərdir: onların növlərinin 74% -i yox olmaq təhlükəsi ilə üzləşir. Tədqiqatçılar məməlilərin 18% və quşların 12% -i üçün eyni aqibəti proqnozlaşdırırlar – mütləq mənada, Mojave yer dələsi və Kaliforniya kondoru da daxil olmaqla, onların müvafiq olaraq 79 və 93 növü məhv ola bilər.