Zarışlı çayının suyu Şuşaya verilməyə başlamışdır, – AzərTAc bu barədə xəbər verir.
Azərbaycanın Şuşa rayonunun Daşaltı kəndi yaxınlığındakı Zarışlı çayı üzərində bənd salınmışdır. Çayın hövzəsində tutumu 25 min kubmetr olan su anbarı tikilmiş və yüksək təzyiqli nasos stansiyası istifadəyə verilmişdir. Suyun Şuşa şəhərinə çatdırılması üçün 2,6 kilometrlik polad boru xətti çəkilmişdir.
Boru vasitəsilə şəhərə çatdırılan su anbarlara veriləcək və şəhər əhalisi fasiləsiz içməli su ilə təchiz olunacaq.