xeberaz.info
Vaşinqtonda keçiriləcək NATO sammitinə Yaponiya və Cənubi Koreya liderləri də dəvət edilə bilərlər
ABŞ iyulda Vaşinqtonda keçiriləcək NATO sammitinə Yaponiyanın baş naziri Fumio Kişida və Koreya Respublikasının prezidenti Yoon Seok-yeol dəvət etmək niyyətindədir. Bu barədə Kyodo agentliyi diplomatik mənbələrə istinadən məlumat yayıb.
Agentliyin sözlərinə görə, Amerika prezidenti Co Baydenin də Vaşinqtona səfəri zamanı Yaponiya və Cənubi Koreya liderləri ilə üçtərəfli görüş keçirəcəyi gözlənilir. Gözlənilir ki, danışıqlar zamanı tərəflər Ukrayna, Şimali Koreya ətrafındakı vəziyyəti, kibertəhlükəsizlik sahəsində əməkdaşlığın genişləndirilməsini və digər mövzuları müzakirə edəcəklər.