xeberaz.info
Türk tələbələr təhsil almaq üçün Almaniyaya üstünlük verirlər
Bu yaxınlarda İstanbulda 30 müxtəlif ölkədən 200-ə yaxın təhsil müəssisəsinin iştirak etdiyi IEFT Beynəlxalq Təhsil və Karyera Sərgisi keçirilib. 15 minə yaxın ziyarətçinin diqqətini çəkən yarmarka əvvəlki kimi ABŞ-da deyil, Avropada, xüsusən də Almaniyada təhsil almağa üstünlük verən tələbələrin seçimlərində ciddi dəyişiklik fonunda baş tutub.
“Böyük Britaniya, Kanada və ABŞ-a həmişə tələbat olsa da, son illərdə Avropa ölkələrinə üstünlük verilir. Bu, Avropada təhsil haqlarının daha münasib olması və dünya üzrə Avropa universitetlərinin daha yüksək reytinqləri ilə bağlıdır. Xüsusilə Almaniya son vaxtlar strateji yeri və pulsuz dövlət universitetlərinin olması ilə xüsusi maraq kəsb edir, – IEFT Sərgilərinin direktoru Selime Tokoğlu belə bildirib.
Tokoğlu vurğulayıb ki, Almaniya və digər Avropa ölkələrində təhsil almaq istəyən tələbələr arasında mühəndislik, biznes, kompüter elmləri və tibb ən çox tələb olunan sahələrdir. Çin, Yaponiya və Koreya kimi Asiya ölkələrindən olan nümayəndələrin də yarmarkaya qatılması bu regionlarda keyfiyyətli təhsil və təqaüd imkanlarına marağın artdığını göstərir.
Bu arada, Ali Təhsil Şurası (YÖK) bu ildən etibarən xarici universitetlərə daxil olmaq istəyən türk tələbələrin məzun olduqdan sonra xaricdə təhsil ekvivalenti əldə etmək üçün Ali Təhsil Qurumları İmtahanı (YKS) vermələrini tələb edən yeni qaydanı açıqlayıb.