15.09.2023/16:32/ Rusiya Bankı əsas faiz dərəcəsini illik 13%-ə qaldırıb

Rusiya Bankı əsas faiz dərəcəsini illik 13%-ə qaldırıb.

xeberaz.info xəbər verir ki, Rusiya Mərkəzi Bankı əsas faiz dərəcəsini illik 13%-ə qaldırıb. Proqnozlara görə, illik inflyasiya 2024-cü ildə illik 4%-ə qayıdacaq və gələcəkdə də bu səviyyədə qalacaq.

Bundan əvvəl, avqustun 15-də Rusiya Mərkəzi Bankı əsas uçot dərəcəsini illik 12%-ə qaldırmışdı. Bu qərar tənzimləyicinin növbədənkənar iclasında qəbul edilib.

Əsas dərəcə dövlət iqtisadiyyatını tənzimləyən əsas alətlərdən biridir. Bu göstərici Mərkəzi Bankla kommersiya maliyyə institutları arasında əməliyyatların şərtlərini müəyyən edir. Bu, Mərkəzi Bankın əmanətləri qəbul etdiyi maksimum faiz dərəcəsi və eyni zamanda kommersiya bankları üçün minimum kredit dərəcəsidir.