xeberaz.info
Afrika ölkələri liderləri təhlükəsizlik qüvvələrinin tərkibini dəyişir.
xeberaz.info xəbər verir ki, Bir neçə Afrika ölkəsinin liderləri qitə ölkələrində baş verən silsilə çevrilişlərdən sonra belə hadisələrin qarşısını almaq üçün təhlükəsizlik qüvvələrinin yüksək tərkibini dəyişmək qərarına gəliblər. Bu barədə “The Wall Street Journal” adı açıqlanmayan diplomatlara və təhlükəsizlik mənbələrinə istinadən məlumat yayıb.
Nəşrin məlumatına görə, Qabondakı hərbi çevrilişdən bir neçə saat sonra Kamerun prezidenti 90 yaşlı Pol Biya bir neçə təhlükəsizlik müşavirini Müdafiə Nazirliyində yüksək vəzifələrə təyin edib. Öz növbəsində Ruanda prezidenti Pol Kaqame 10-dan çox generalı və 600-dən çox yüksək rütbəli zabiti vəzifəsindən azad edib. Qvineya-Bisau prezidenti Umaru Sisoku Embalo iki yeni təhlükəsizlik rəisi təyin edib, Uqandanın 78 yaşlı lideri Yoveri Museveni isə ABŞ-da təlim keçmiş polis rəisi general Kale Kayihura və daha 11 generalı vəzifəsindən azad edib. Syerra-Leonedə ötən ay 10-dan çox yüksək rütbəli hərbçi və bir neçə polis məmuru saxlanılıb və onlar ölkə lideri Julius Maada Bio-nu devirməyə cəhddə ittiham olunublar.
Oxford Economics Afrikanın siyasi iqtisadiyyat risk modelinə görə, Ekvatorial Qvineya, Mavritaniya, Qambiya, Sierra Leone və Mərkəzi Afrika Respublikasının liderləri risk altındadır. Çevrilişlərin daha da yayılması təhlükəsi arxa plana keçir.