xeberaz.info
Üçüncü Beynəlxalq Əməkdaşlıq Forumunda iştirak etmək üçün Mirziyoyev oktyabrda Çinə səfər edəcək.
xeberaz.info xəbər verir ki, Özbəkistan prezidenti Şavkat Mirziyoyev bu ilin oktyabrında Çinə səfərə gedəcək. Bu barədə Çin Xalq Respublikasının Sədri Si Cinpinin Özbəkistanın Müstəqillik Günü münasibətilə təbrik məktubundan məlum olub.
Səfərinizi səbirsizliklə gözləyirəm, – ÇXR rəhbəri belə bildirib. Si Cinpin əlavə edib ki, Çin-Özbəkistan münasibətlərinə böyük əhəmiyyət verir.
İlk “Bir kəmər, bir yol” forumu 2017-ci ilin may ayında Pekində Rusiya, Çin, Avrasiya, Afrika və Latın Amerikasının 28 ölkəsinin yüksək səviyyəli rəsmilərinin iştirakı ilə keçirilib. İkinci forum 2019-cu ilin aprelində Çinin paytaxtında baş tutub.
“Bir kəmər, bir yol” təşəbbüsü 2013-cü ildə Çin Sədri Si Cinpin tərəfindən irəli sürülüb və qədim İpək Yolunu simvolik olaraq yenidən yaradır. Onun məqsədi Çinin Mərkəzi Asiya, Yaxın Şərq, Avropa, Afrika və digər regionların bazarlarına daxil olması, eləcə də çoxlu sayda ölkələrin cəlb olunduğu beynəlxalq ticarət və investisiya layihələrinin aktivləşdirilməsi və maraqlı dövlətlərin kapitalından istifadə edilməsidir. Artıq 150-dən çox ölkə və beynəlxalq təşkilat bu təşəbbüsə qoşulub.