xeberaz.info
Fransanın bir sıra bölmələrinin Nigerdən çıxarılması ilə bağlı artıq danışıqlar başlayıb.
xeberaz.info xəbər verir ki, Fransa Niger hərbçiləri ilə bu Afrika ölkəsindən bölmələrinin bir hissəsinin çıxarılmasının mümkünlüyü ilə bağlı danışıqlara başlayıb. Bu barədə “Le Monde” qəzeti öz mənbələrinə istinadən məlumat yayıb.
Nəşrin məlumatına görə, bir sıra bölmələrin çıxarılması ilə bağlı danışıqlar artıq başlayıb. Qəzet mənbəsinin sözlərinə görə, iyunun sonunda Nigerdə baş vermiş çevrilişdən sonra birgə antiterror fəaliyyətlərinin dayandırılması fonunda belə müzakirələr olduqca təbiidir.
Bununla belə, nə Nigeri tərk edə biləcək əsgərlərin sayı, nə də onların geri çəkilmə qrafiki barədə məlumat verilmir. Qəzetin yazdığına görə, fransız qoşunları qismən qonşu ölkələrə, xüsusən də Çada yerləşdirilə, qismən də Fransaya qaytarıla bilər. Hazırda Nigerdə təxminən 1500 fransız əsgəri var.
Bundan əvvəl Fransanın xarici işlər naziri Ketrin Kolonna demişdi ki, fransız qoşunları Nigerin hərbi personalının hazırlanması, eləcə də terrorizmlə mübarizədə öz vəzifələrini de-fakto yerinə yetirə bilmir.