xeberaz.info
Ermənistanda baş nazirin oğlunu oğurlamaqda şübhəli bilinən qadın həbs edilib.
xeberaz.info lenta.ru-ya istinadən xəbər verir ki, Məhkəmə Ermənistanın baş naziri Nikol Paşinyanın oğlu Aşotu qaçırmaqda ittiham olunan Qayane Akopyanı bir ay müddətinə həbs edib. Bu barədə TASS qadının vəkili Vaan Hovhannisyana istinadən məlumat yayıb.
Onun sözlərinə görə, Akopyan müdafiə tərəfinin bütün vəsatətlərinə baxmayaraq həbs edilib.
Aşot Paşinyanın qaçırılması cəhdi mayın 17-də məlum olub. Bildirilir ki, 2020-ci ilin payızında Dağlıq Qarabağda həlak olan hərbçilərin ailə üzvləri baş nazirin oğlunu Apellyasiya Məhkəməsində görən kimi cəld ona yaxınlaşaraq təhqiramiz ifadələr səsləndirməyə başlayıblar. Akopyan onu sakit şəraitdə söhbət etmək üçün maşına minməyə dəvət edib, sonra isə qaza basıb.
Dayanmağı xahiş etdikdə qadın cavab verdi ki, itirəcək heç nə yoxdur və hətta baş nazirin oğlunu da öldürə bilər, çünki oğlu ondan soruşmadan öldürülüb. Paşinyan hərəkətdə olarkən maşından tullanıb, daha sonra yoldan keçən cip onu vurub. Gənc ən yaxın supermarketə qaçmaq üçün ayağa qalxa bilib.