xeberaz.info
Rusiya Federasiyasına qarşı sanksiyalara görə Aİ üçüncü ölkələrə ixracı məhdudlaşdırmaq niyyətindədir.
xeberaz.info Rusiya KIV-lərinə istinadən xəbər verir ki, Avropa Komissiyası Aİ-yə üzv dövlətləri anti-Rusiya sanksiyalarından yayınmanın qarşısını almaq üçün bəzi malların üçüncü ölkələrə ixracının məhdudlaşdırılması imkanlarını müzakirə etməyə dəvət edib. Bu barədə şənbə günü DPA agentliyi diplomatik mənbələrə istinadən məlumat yayıb.
Təkliflər ötən cümə günü təqdim edilib və Rusiyaya qarşı sanksiyaların 11-ci raundu çərçivəsində nəzərdə tutulub. Birinci mərhələdə AK üçüncü ölkələrə ixracı məhdudlaşdırmağa imkan verən hüquqi mexanizm hazırlamağı planlaşdırır. Belə bir mexanizmin Rusiya Federasiyasına qadağan olunmuş malların daxil olduğu dövlətlər üçün bir növ çəkindirici vasitə olacağı gözlənilir.
Əgər bu kifayət etməzsə, onda ikinci mərhələdə AK müəyyən malların, ilk növbədə, həm dinc, həm də hərbi məqsədlər üçün istifadə oluna bilən ikili təyinatlı məhsulların, məsələn, gecə görmə cihazlarının tədarükünü həqiqətən məhdudlaşdırmağı təklif edir.