xeberaz.info
NATO Gürcüstanla əməkdaşlığı gücləndirəcək.
xeberaz.info eadaily-ya istinadən xəbər verir ki, Gürcüstanda səfərdə olan NATO baş katibinin təhlükəsizlik məsələləri üzrə köməkçisi Ceyms Appaturay bildirib ki, NATO Gürcüstanla əməkdaşlığı gücləndirmək qərarına gəlib.
NATO Gürcüstanın düşdüyü unikal və çətin vəziyyəti başa düşür, Rusiya ordusu paytaxtına yaxındır… Əgər Ukrayna Rusiya tərəfindən məğlub edilərsə, təhlükəsizlik məsələləri bizim hamımız kimi Gürcüstan üçün də çox çətin olacaq”, – Appaturay belə bildirib.
Onun sözlərinə görə, Buxarest sammitinin Gürcüstanla bağlı qərarları dəyişmir.
NATO-nun Buxarestdə keçirilən sammitində Gürcüstanın NATO-ya üzv olacağı ilə bağlı verilən bəyanat qalacaq, bununla bağlı hər hansı dəyişiklik gözləmirəm, – Appaturay belə deyib.
Vilnüs sammitində Appaturay “bir neçə yeni sahəyə diqqətin yönəldilməsini gözləyir, bunlardan biri faktiki olaraq NATO müdafiəsinin əhəmiyyətli dərəcədə gücləndirilməsi, digəri isə Ukrayna ilə bağlıdır”. Həmçinin Appaturayın sözlərinə görə, Asiya-Sakit okean regionu ilə yüksək səviyyəli əməkdaşlıq müzakirə olunacaq və NATO-nun gələcəyi ilə bağlı mühüm qərarlar qəbul ediləcək.
“Gürcüstana gəldikdə, sizi tam əmin edə bilərəm ki, Gürcüstan hər gün NATO-nun gündəmində çox yüksək səviyyədədir. Deməli, şura səviyyəsində, bütün iclaslarda biz qarşılıqlı fəaliyyətdən danışanda, o cümlədən Rusiyanın qonşuluğa mənfi təsiri kontekstində biz artıq Gürcüstanla münasibətlərimizi intensivləşdirməyə qərar vermişik, – Appaturay bel bildirib.