01.05.2023/ 12: 17/ Zalujnı NATO-nun Avropadakı qüvvələrinin baş komandanına cəbhədəki vəziyyətlə bağlı məlumat verdi

Ukrayna Silahlı Qüvvələrinin Ali Baş Komandanı Zalujnı NATO-nun Avropadakı qüvvələrinin baş komandanına cəbhədəki vəziyyətlə bağlı məlumat verib.

xeberaz.info eadaily-ya istinadən xəbər verir ki, Ukrayna Silahlı Qüvvələrinin Ali Baş Komandanı Valeri Zalujnı NATO-nun Avropadakı Müttəfiq Qüvvələrinin baş komandanı, general Kristofer Kavoli ilə görüşüb. Bu barədə aprelin 30-da “Rusiya baharının hərbi müxbirləri” teleqram kanalı məlumat yayıb.

Qeyd olunur ki, Zalujnı həmkarına cəbhədəki əməliyyat vəziyyəti barədə məlumat verib və onunla perspektivlər barədə danışıb.

Ayrıca biz kifayət qədər miqdarda sursat və texnikanın vaxtında çatdırılmasının vacibliyinə toxunduq. O, Ukraynanı problemli məsələlərin həllinə əhəmiyyətli dərəcədə kömək edəcək geniş çeşiddə silah və hava hücumundan müdafiə sistemləri ilə təmin edilməsinin zəruriliyini qeyd etdi,  – Ukrayna Silahlı Qüvvələrinin baş komandanı “Voyenkory”dən sitat gətirib.